ڈاکٹرز ہمارا سرمایہ ہیں - صوبائی وزیر صحت میر رحمت صالح بلوچ

صوبائی وزیر صحت میر رحمت صالح بلوچ نے کہا ہے کہ ڈاکٹرز ہمارا سرمایہ ہیں - معاشرے میں ان کی موجودگی دکھی انسانیت کے لیے کسی معجزے سے کم نہیں ، ڈاکٹروں کو دھونس دھمکی دیناانسانیت دشمنی اور خلاف قانون ہے، ڈاکٹر مناف ترین کی رہائی کے لیے ہرممکن اقدامات اٹھائے جارہے ہیں ۔ان خیالات کا اظہار انہوں نے گزشتہ روز ہیلپرز آئی ہسپتال کے دورہ کے موقع پر کیا - انہوں نے کہا کہ انتہائی افسوس کا مقام ہے کہ آج معاشرے میں مسیحا سے محروم کیا جارہا ہے ۔ڈاکٹروں کو اغواء کیا جارہا ہے جس کی جتنی بھی مذمت کی جائے کم ہے۔انہوں نے کہا کہ ڈاکٹرز دراصل اپنی ذمہ داریاں سرانجام دے کر اپنے فرض کی ادائیگی کے ساتھ ساتھ ثواب دارین حاصل کر رہے ہیں جوکہ انہیں دیگر شعبوں سے ممتاز کرتا ہے، انہوں نے ہسپتال انتظامیہ کوہدایت کی کہ وہ مریضوں کو صحت کی تمام تر سہولیات کی فراہمی کو ہر صورت یقینی بنائیں_ اس سلسلے میں کوئی کوتاہی برداشت نہیں کی جائے گی ،انہوں نے کہاکہ عوام کی صحت کے حوالے سے شکایت کا جائزہ لینے وہ خو د ضلعی ہیڈ کوارٹرز کا دورہ کریں گے، ہسپتال انتظامیہ نے صوبائی وزیر کو اپنے مسائل سے بھی آگاہ کی ، صوبائی وزیر نے ہستپال میں مرمتی کاموں کیلئے 30لاکھ روپے اور 40لاکھ روپے کی ادویات دینے کا اعلان کیاجبکہ ہسپتال کے پانی کے مسئلے کا نوٹس لیتے ہوئے جلد از جلد ہسپتال میں بور لگانے کا اعلان کیااور ہسپتال کے لیے ایمبولینس کی فراہمی کے احکامات جاری کیے، انہوں نے ہسپتال میں صفائی کی صورتحا ل پر اطمینا ن اظہار کیا اور ڈاکٹروں و تمام پیرا میڈیکس اسٹاف کی کارکردگی کو سراہا، اس موقع پر صوبائی وزیر نے ہسپتال کی او پی ڈی کے لیے کمپیوٹرکی فراہمی اور کمپیوٹرائزڈ
-پرچی سسٹم کے فوری اجراء کی ہدایت کی