صوبائی حکومت کی اولین ترجیحات میں صوبے کے ڈاکٹروں کی حفاظت کو یقینی بنانا ہے -صوبائی وزیر صحت میر رحمت صالح بلوچ

صوبائی وزیر صحت میر رحمت صالح بلوچ نے ماہر معالج قلب ڈاکٹر مناف ترین کی بخیریت گھر واپسی پر مسرت کا

اظہار کرتے ہوئے کہا کہ اﷲ تعالیٰ کا شکر ہے کہ وہبخیرخوبی اپنے اہلخانہ کے پاس پہنچ گئے ہیں جو کہ خوش آئند بات ہے انہوں نے کہا کہ صوبائی حکومت کی اولین ترجیحات میں صوبے کے ڈاکٹروں کی حفاظت کو یقینی بنانا ہے ،اس حوالے سے متعدد اقدامات کیے جارہے ہیں انہوں نے کہا کہ معاشرے میں ڈاکٹرز دکھی انسانیت کے لیے کسی فرشتے سے کم نہیں ان کی جان و مال کی حفاظت کو ہم اپنا اولین فرض سمجھتے ہیں اور ڈاکٹرز ہمارے لیے قابل احترام ہے۔